Viðgjørdu dómstólar og fongsulsviðurskifti

Dómstólar og fongsulsviðurskifti vóru á skránni, tá Bjarni Kárason Petersen, landsstýrismaður í lógarmálum, hitti Peter Hummelgaard, løgmálaráðharra, í Keypmannahavn í dag.

Løgmálaráðharrin hevði boðið landsstýrismanninum á fund í sambandi við politisku avtaluna, sum skal gerast fyri dómstólarnar. Avtalan skal eftir ætlan galda í fleiri ár. 

Á fundinum gjørdi landsstýrismaðurin m.a. vart við, at tað hevur stóran týdning, at viðurskiftini hjá Føroya Rætti eru tey somu sum hjá øðrum donskum dómstólum.

Á fundinum var tilgongdin at byggja eitt nýtt fongsul í Føroyum umrødd, umframt viðurskiftini hjá føroyskum fangum í Mjørkadali og í Danmark.

- Eg fegnist um, at Peter Hummelgaard er sinnaður at gera sítt til, at føroysku ynskini verða gingin á møti, sigur Bjarni Kárason Petersen eftir fundin í dag, skrivar Løgmálaráðið.