Nýggjur prestur á Tvøroyri

Annika Magnussen Gaard verður sóknarprestur í Suðuroyar norðara prestagjaldi, við sæti á Tvøroyri, frá 1.oktober.

Hon verður prestvígd í Dómkirkjuni 17.september.

Innsetingargudstænasta, tá Annika verður skipað í embætið, verður í Tvøroyrar kirkju í fyrru helvt í oktober.

Annika er 33 ára gomul. Hon er úr Tjørnuvík. 

Hon hevur lisið til prest í lærda háskúlanum í Keypmannahavn, og var liðug í fjør summar.

Annika Magnussen Gaard var í starvsvenjing í kirkjuni í Vangede. 

Í Suðuroynni eru tríggir sóknarprestar, sum arbeiða saman í einum toymi.