Skal eisini gjalda til Samhaldsfasta í Føroyum

Hóast fólk gjalda arbeiðsmarknaðargjald í Danmark, sleppa tey ikki undan arbeiðsmarknaðargjaldinum, Samhaldsfasta, í Føroyum.

Tí norðurlendski sáttmálin um sosiala trygd er ikki galdandi millum Føroyar og Danmark.

Hann er ikki galdandi innanhýsis í ríkisfelagsskapinum.

Kærustovnurin hevur staðfest eina avgerð hjá TAKS um ikki at geva frítøku frá samhaldsfasta.

Heimild er ikki í lógini um AMEG, samhaldsfasta, um tað, siga TAKS og Kærustovnurin.

Grundgevingin hjá tí, sum kærdi avgerðina hjá TAKS, er, at hann rindar átta prosent av bruttolønini í Danmark til "arbejdsmarkedsbidrag."

Hann spurdi, hví hann skal gjalda AMEG í tveimum londum.