Royna aftur at selja ogn hjá kommununi

Klaksvíkar kommuna roynir nú aftur at selja húsini við Jústabrekku 1.

Fyrru ferð var í oktober í fjør. Tá ætlaði kommunan sær minst 5,5 mió.kr. fyri húsini.

Nú er søluprísurin settur til 5,9 mió.kr., 400.000 kr. meira enn fyri einum ári síðani.

Húsini eru bygd í 1911 og høvuðsumvæld í 2021.

Íbúðir og skjalasavn

Seks íbúðir eru í húsunum, og í kjallaranum er kommunalt skjalasavn

Leigusáttmáli er við Almannaverkið um íbúðirnir. Og hann er galdandi til 1.august 2026.

Og keyparin skal eisini leiga Klaksvíkar kommunu kjallaran til skjalasavn í tíggju ár.

Húsini eru 400 fermetrar í trimum hæddum.