Biograflógin verður tikin av

Lógin um biografar frá 1984 skal strikast, tí ikki er brúk fyri henni longur.

Mentamálaráðið sigur, at loyvi frá landsstýrisfólkinum til at reka biograf ella til almennar filmssýningar, verður mett sum eitt óneyðugt bureaukratiskt fyribrigdi.

Tað er heldur ikki í samsvari við ynskið hjá sitandi samgongu um størri armslongd á mentanarøkinum. 

Tá lógin er farin úr gildi, verður ikki longur neyðugt at søkja um loyvi at stovna og reka biograf.

Og tey, sum skulu hava einstaka filmssýning, skulu ikki søkja landsstýrið um loyvi til tess.

Lógaruppskotið kann lesast her.