Ivasamt um serskattaskipanir verða strikaðar

Tað er ivasamt, um landsstýriskvinnan í fíggjarmálum fær undirtøku fyri sínum uppskoti um at strika serskattaskipanir, sum t.d. FAS, sjómannafrádrátt og samdøgursfrádrátt. 

Í øllum førum, um fíggjarnevndin verður spurd. Hon skal viðgera møguligt uppskot frá landsstýriskvinnuni.

Tað kom fram í Breddanum fyrrapartin. 

- Vit hoyra javnan, at tað er ikki rætt at geva fólki fíggjarligan fyrimun at arbeiða uttanlands, men avleiðingarnar av at strika serskattaskipanir mugu kannast væl, áðrenn avgerð verður tikin, sigur Magnus Rasmussen, tingmaður fyri Sambandsflokkin og limur í fíggjarnevndini. 

Fíggjarnevndarlimir í Breddanum

Limir í fíggjarnevndini skiftu orð um serskattaskipanir í Breddanum fyrrapartin. 

Forkvinnan í fíggjarnevndini, Eyðgunn Samuelsen,  vil heldur ikki siga enn, hvørjar serskattaskipanir kunnu strikast,

Eirikur í Jákupsstovu í Tjóðveldi væntar, at onkur broyting verður gjørd.

Hoyr innslag í útvarpstíðindunum: 

Allur Breddin kann hoyrast her.