Flyta nú í Smæruna

Barna- og útbúgvingarmálaráðið flytur nú av Tinghúsvegnum í Smæruna við J.H.Schrøtersgøtu.

Ráðið er tí stongt í dag, men letur upp í Smæruni mánamorgunin.

Ikki sørt av roki var, tá tað í apríl frættist, at Barna- og útbúgvingarmálaráðið skuldi leiga frá Starvsfelagnum í Smæruni, tí allar tær 15 fyritøkurnar, sum vóru í Smæruni, skuldu út haðani.

Umframt landsstýrismannin arbeiða 17 fólk í Barna- og útbúgvingarmálaráðnum.