Jarðskjálvtin í Marokko kravt fleiri enn 2.000 mannalív

Fleiri lond senda nú Marokko hjálp, eftir at landið fríggjadagin var rakt av harðasta jarðskjálvta higartil.

Tað skrivar AP-tíðindastovan.

Marokko hevur játtað at taka ímóti hjálp frá Spania, Bretlandi, Katar og Sameindu Arabisku Emiratunum.

Jarðskjálvti í Marokko

(Mynd: Fadel Senna/AFP/Ritzau Scanpix)

Fleiri lond hava boðið sær til at hjálpa, men til tess at kunna skipa bjargingararbeiðið, hevur Marokko fyri fyrst ikki tikið ímóti fleiri boðum um hjálp, siga landsins myndugleikar við AP.

Sambært almenna sjónvarpinum í Marokko, eru fleiri enn tvey túsund fólk deyð, og fleiri túsund særd, skrivar Reuters tíðindastovan.