Loysir seg betur at eiga enn at leiga

- Tað loysir seg betur at eiga enn at leiga.

Tað sigur Jens Meinhard Rasmussen, stjóri í Smyril Line, nú felagið hevur keypt RoRo-farmaskipið Seagard frá finska reiðarínum Bore Ltd.

Skipið fær navnið Glyvursnes, tá ið tað verður latið Smyril Line. og verður sett í regluliga sigling millum Tórshavn, Þórlakshöfn og Hirtshals í staðin fyri Mistral, sum Smyril Line hevur leigað seinastu árini.

Hoyr samrøðu við Jens Meinhard Ramussen:

Jens Meinhard Rasmussen, Smyril Line

Jens Meinhard Rasmussen, stjóri í Smyril Line. (Mynd: Bjarni Árting Rubeksen)

Skipið verður latið Smyril Line í Hirtshals í fyrstu viku í januar 2024.

Skipið er bygt í Týsklandi í 1999. 

Tað er 153,5 metrar langt og 20,6 metrar breitt.

Tá Glyvursnes kemur, eigur Smyril Line øll seks skipini, sum tað hevur í flotanum.