Afturberingin verður greið, tá fíggjarlógin verður løgd fram

Kommunurnar ótolnast eftir at fáa at vita frá landsmyndugleikunum, hvat tær kunnu rokna við av afturberingum fyri politisku tiltøkini, sum ætlanin er at seta í verk, eitt nú 37 tíma arbeiðsvika og tøkugjøld. 

Fíggjarætlanin hjá kommununum skal vera endaliga samtykt og avgreidd 1. desember.

Ruth Vang, landsstýriskvinna í fíggjarmálum, sigur, at landsstýrið arbeiðir við at finna fígging til ætlaðu tiltøkini, men hon lovar kommununum, at alt skal vera greitt, tá uppskotið um fíggjarlóg verður lagt fram seinast í hesum mánaðinum.

Ruth Vang og Tórbjørn Jacobsen, formaður í Kommunufelagnum, vóru í Breddanum fyrrapartin.

Hoyr innslag í útvarpstíðindunum:

Allur Breddin kann hoyrast her.