Kim Jong-un á veg heimaftur

Nógv umrøddi fundurin millum norðurkoreanska leiðaran, Kim Jong-un, og russiska forsetan, Vladimir Putin, er liðugur.

Tað skrivar í øllum førum russiska tíðindastovanm Ria Novosti.

Sambært tíðindastovuni fór norðurkoreanski leiðarin fyri løtu síðani inn í skottryggjað tokið hjá sær, sum setti kós móti norðurkorenska høvuðsstaðnum, Pyongyang.

Fundurin hevur verið umrøddur í fleiri vikur, og varð, tá avtornaði, ikki hildin har, sum hann sambært tíðindum upprunaliga skuldi haldast.

Hittust á eini rúmdarstøð

Tí ístaðin fyri at steðga í russiska havnarbýnum,  Vladivostok, sum roknað varð við, fór skottrygga tokið hjá Kom Jong-un til eina rúmdarstøð har eysturi í Russlandi.

- Eg eri fegin um at síggja teg, segði Putin sambært almennum russiskum miðlum , tá hann tók ímóti Kim Jong-un.

Norðurkoreanski leiðarin svaraði, at hann var fegin um, at Putin hevði stundir at hitta seg, tá hugsað verður um, hvussu nógv Putin hevur um at vera.