Fer at raðfesta universitetssjúkrahús á fíggjarlógini

Margit Stórá, landsstýriskvinna í heilsumálum, fer at raðfesta at fáa pening settan av á fíggjarlógini til universitetssjúkrahús.

Tað er eitt mál hjá hesari samgonguni, at universitetssjúkrahús skal  skipast, sigur Margit Stórá, og tí hevur hon góðan vónir um, at tað fer at eydnast at fáa pening á fíggjarlógini.

Arbeiðsbólkur og universitetssjúkrahús

Hesi mannaðu arbeiðsbólkin, sum hevur gjørt tilmæli um at skipa universitetssjúkrahús í Føroyum. 

Arbeiðsbólkurin, sum í farnu viku handaði Margit Stórá tilmæli um universitetssjúkrahús, mælti til, at tað fyrstu trý árini verða settar 1,8 milliónir krónur av til heilsugransking árliga, og at Sjúkrahúsverkið í 2030 skal nýta eitt prosent av samlaða rakstrinum til heilsugransking.