Ukrainskur leikstjóri pallsetur spurningar um kríggj

Kríggj er ikki svart og hvít, hvørki tá vit viðgera tað í leikinum ella í nútíðini. Tað sigur leikstjórin, Serhii Ilin, sum sjálvur er flýddur undan krígnum í Ukraina. 

Við leikinum, Tá kríggið er liðugt, vil ukrainski leikstjórin, saman við Det Ferösche Compagnie, geva føroyingum eina fatan av, hvussu samansett kríggj í veruleikanum er.

Endamálið er at viðgera, hvat kríggj ger við menniskju. Men ein góður sjónleikur hevur eisini altíð ein politiskan boðskap, sigur Serhii Ilin.