Hanna Jensen vil framvegis ikki grundgeva

Teir sótu her so tveireinir fyrrapartin, tá tingfundur var settur. Sólvit Nolsøe og Karlot Hergeirson, tingmenninir í Framsókn.

Hanna Jensen hevði boðað frá, at hon kom aftur í Løgtingið, hóast hon í juni boðaði frá, at hon fór úr landspolitikki. Orsøkina segði hon vera, at hon kennir tað sum eina skyldu at koma aftur á ting.

Men hon lat bíða eftir sær, og tingmeninir vistu ikki, um hon fór at møta, og teir vita enn heldur ikki, hví Hanna Jensen hevur broytt meining. Einasta frágreiðingin hevur verið eitt uppslagá Facebook. Síðani juni hevur Hanna Jensen ikki vilja tosað við nakran fjølmiðil.

Men um middagsleitið í dag kom hon so í tingið.