Gjald fyri at gista verður strikað

Landsstýrið ætlar at strika burðardygdargjaldið í ferðavinnuni.

Burðardygdargjaldið er 20 krónur hvørja nátt, ferðafólk gista í Føroyum, men tó ongantíð meiri enn 200 krónur.

Bøndur skulu kunna taka gjald frá ferðafólkum, ætlar landsstýrið.

Og tað ætlar eisini at endurskoða lógina um burðardygga ferðavinnu.

Farið verður burtur frá, at ferðavinnuætlanirnar hjá kommununum skulu góðkennast í umsitingini í Havn.

Tað er úti um landið, at ferðavinnumenningin skal vera í tann mun og við teirri ferð, sum fólk á staðnum vil, sigur landsstýrið. 

Við tí vera størri avgerðarrættur og størri ábyrgd løgd til lokalsamfeløgini og til teirra, sum varða av náttúruni, sum ferðafólkini vilja vitja, sigur landsstýrið.