Loftferðslulógin skal dagførast

Loftferðslulógin í Føroyum, sum kom í 2013, skal dagførast, so hon er sum tann danska.

Høgni Hoydal, landsstýrismaður, kom við uppskoti um ríkislógartilmæli í løgtingið í gjár.

Talan er um nógvar broytingar, millum annað nýggjar reglur um dronur.

ES-reglur um dronur skulu setast í gildi í Føroyum. Men tær verða kortini lagaðar til føroysk viðurskifti.

Millum annað koma reglur um at brúka dronu, tá fólk eru ávirkað, og hvussu fólk kunnu vera dømd at missa rættin at flúgva við dronu.

Einki hoyringarsvar

Uppskotið um ríkislógartilmælið hevur verið til hoyringar.

Einki hoyringarsvar kom.

Landsstýrið ætlar annars at yvirtaka loftrúm og loftferðslu.

Uppskot um tað koma løgtingið í næstum, skrivar Uttanríkis- og Vinnumálaráðið.

Danska stjórnin sigur, at yvirtøkan er í lagi.