VIDEO: "Vit gera tað fyri at bjarga heiminum"

Tað luktar illa, eru tey øll fýra samd um. 

Men tey gera tað fyri at bjarga heiminum og halda náttúruna reina, leggja tey beinavegin afturat. 

Matskiljing, Skúlin við Løgmannabreyt

Lea Dam, Eimi Gunnarsdóttir Nielsen, Jónas Lenvig Harrysson og Aron Albinus Petersen, sum ganga í 5. flokki, høvdu í síðstu viku til uppgávu at savna saman og skilja matleivdir í skúlanum við Løgmannabreyt. 

Tey vóru røklar hjá 5. flokki, og tað eru altíð røklarnir, ið manna matskiljiliðið. 

Matskiljing, Skúlin við Løgmannabreyt

Í skúlanum við Løgmannabreyt hava tey leingi arbeitt við umhvørvisspurningum. 

Ein liður í hesum hevur verið at seta í verk matskiljing og kompostskipan, so at skúlin kann gera sín part at minka um CO2-útlátið. 

Matskiljing, Skúlin við Løgmannabreyt

Fyri tveimum árum síðani varð byrjað at skilja kaffigrums á lærarastovuni og síðani at breiða tað út í lendið millum trø og greinar.

Matskiljing, Skúlin við Løgmannabreyt

Síðani varð arbeitt víðari við at skilja matin.

Matskiljing, Skúlin við Løgmannabreyt

Fyrst varð roynt við bokashiháttinum, men so varð avgjørt at keypa eina komposttrumlu at koyra matrestirnar í.

Emma á Dul

Starvsnæmingur Kringvarpsins seinastu tvær vikurnar, 15 ára gamla Emma á Dul úr skúlanum á Skúlatrøð í Klaksvík, var við, tá Aron, Eimi, Jónas og Lea savnaðu og skiltu matleivdir í síðstu viku.  

Emma á Dul hevur filmað og gjørt hetta innslagið. 

Kelda: "Hugagóðir næmingar savna og skilja mat", Skúlablaðið