Landslæknin í Grønlandi mælir fólki til at koppseta seg

Landslæknin í Grønlandi mælir fólki, sum eru 65 ár ella eldri, og fólki, sum eru í vanda fyri at gerast illa sjúk, til at verða koppsett fyri koronu og influensu.

Hesar sjúkur kunnu gerast so ringar, at sjúklingar skulu á sjúkrahús.

Í ringasta føri kunnu korona og beinkrím vera lívshættislig, sigur landslæknin í Grønlandi. 

Tíðindaskriv við slíkum tilmæli er ikki komið frá landslæknanum í Føroyum.