Markið í landsskattastiganum skal javnast á hvørjum ári

Fólkaflokkurin mælir nú til at broyta landsskattastigin, sum ikki er broyttur síðani 2016. 

Tað ger, sigur flokkurin, at størri partur av lønini so líðandi er lyftur upp á hægri skattastig.

Fólkaflokkurin hevur tí uppskot um hvørt ár at javna mørkini í landsskattastiganum.

Javningin skal vera prosentvísi vøksturin í lønarkarminum hjá Fíggjarmálaráðnum í tólv mánaða skeiðnum, sum endaði 1.oktober í árinum fyri.

Fólkaflokkurin hevur uppskot um, at skattastigin fyri 2024 verður javnaður fýra prosent. 

Flokkurin sigur, at uppskotið skal forða fyri, at skattatrýstið veksur av sær sjálvum.