Á Breddanum: Tungt og bureaukratiskt sjúkrahúsverk

Í sendingini er samrøða við stjóran á Suðuroyar sjúkrahúsi, sum nú leggur frá sær

Hans Pauli Henryson, fráfarandi stjóri á Suðuroyar sjúkrahúsi, heldur, at sum tíðin er liðin er alt meira vald flutt til forstjóran í Sjúkrahúsverkinum. (Savnsmynd: Bjarni Árting Rubeksen)

Hallur av Rana

22.09.2023 - 09:20

- Sjúkrahúsverkið er ov tungt og bureaukratiskt.

Tað sigur Hans Pauli Henryson, sum í næstu viku leggur frá sær um stjóri á Suðuroyar Sjúkrahúsi, eftir fýra ár í sessinum.

Setanin av trimum nýggjum stjórum og einum forstjóra í Sjúkrahúsverkinum var byrjanin til eitt nýtt tíðarskeið í føroyskari heilsusøgu. Við nýggju skipanini skuldu tey trý sjúkrahúsini samstarva betur,

Nýggi bygnaðurin er ein kompleks og tung skipan, sigur Hans Pauli Henryson, og so líðandi er meira vald flutt til forstjóran.

Í Breddanum í dag er samrøða við Hans Paula Henryson.

Hans Pauli Henryson

Hans Pauli Henryson hevur verið stjóri á Suðuroyar sjúkrahúsi í fýra ár.

Sjálvmorðsdrona

Sjálvmorðsdronan var ætlað at raka okkum.

Tað sigur svenski journalisturin, Johan Frederiksson, sum í síðstu viku slapp við lívinum, tá ein russisk sjálvmorðsbumba rakti bilin, sum hansara ferðalið var í.

Tað frætta vit eisini meira um í sendingini í dag.

Breddin í útvarpinum klokkan 10.