Sýriski forsetin í Kina

Kinesiski forsetin, Xi Jinping, fer í dag hitta sýriska forsetan Bashar al Assad.

Tað skriva almennir kinesiskir miðlar.

Assad kom í gjár á fyrstu almennu vitjan sína í Kina í nærum 20 ár.

Uttanríkisráðið í Beijing segði í gjár, at vitjanin skal styrkja viðurskiftini millum londini bæði.

- Kina og Sýria hava eitt drúgt og inniligt vinarlag, segði Mao Ning, talsmaður í kinesiska uttanríkisráðnum.