Lógaruppskot um yvirtøku um sløk tvey ár longu gjørt

Landsstýrið ætlar at yvirtaka sjórættin á ólavsøku 2025.

Yvirtøkan stendur í samgonguskjalinum.

Lógaruppskotið er gjørt og sent til hoyringar.

Tá sjórætturin er yvirtikin eru lóggávuvaldið, útinnandi valdið og fíggjarliga ábyrgdin á øllum sjóvinnuøkinum yvirtikin, sigur landsstýrið.

Donsku lógirnar, sum eru galdandi í Føroyum, eru summar sera gamlar. Ein er frá 1899 og ein onnur frá 1930.

Størsta lógin

Týdningarmesta lóggáva á økinum, sum skal yvirtakast, er sjólógin. 

Sjólógin fyri Føroyar byggir á donsku sjólógina frá 1994 við seinni broytingum. 

Landsstýrið sigur, at lóggávan á sjórættarøkinum eftir yvirtøkuna eins og í dag skal fylgja altjóða sáttmálum.

Tí er ikki ætlanin at broyta lóggávuna grundleggjandi í sambandi við yvirtøkuna. 

Landsstýrið sigur, at yvirtøkan kostar 1,8 mió.kr., tað eru tvey ársverk, í 2025.