Helvtin av almennum lønum verður goldin í Suðurstreymi

Helvtin av almennu lønunum verður goldin í Suðurstreymi.

Sambært yvirliti, sum Hagstovan hevur gjørt fyri Fíggjarmálaráðið, vóru 48 prosent av almennu lønunum í fjør goldin í Suðurstreymoyar sýslu.

18 prosent vóru goldin í Eysturoyar sýslu.

Bara tvey prosent vóru í Sandoyar sýslu og tvey prosent uttanlands.

Hetta er lønin, sum er goldin fólki í teirri sýslu, tey búgva, hóast tey arbeiða í aðrari sýslu. Taka vit sýsluna, har sum fólk arbeiða, kemur Suðurstreymoyar sýslu upp á 62 prosent. 

Eirikur í Jákupsstovu, 16:9

Eirikur í Jákupsstovu, løgtingsmaður, spurdi um býti av rakstrarútreiðslum á fíggjarlógini. (Mynd: Bjarni Árting Rubeksen)

579 mió. um samtíðarskattaskipanina

Fýra milliardir og 578,6 mió. kr. í almennum lønum fóru um samtíðarskattaskipanina í fjør.

Tað upplýsir Ruth Vang, landsstýriskvinna.

Hon hevur svarað fyrispurningi frá Eiriki í Jákupsstovu, løgtingsmanni.

Hann spurdi, hvussu nógv raksturin í fíggjarlógini við staðseting í høvuðsstaðnum er samanborin við restina av landinum í krónum og prosentum í tíðarskeiðnum 2012-2022.

Svarið er, at rakstrarútreiðslurnar í fíggjarlógini hava onga ávísa landafrøðiliga staðseting. 

Sí alt svarið frá Ruth Vang til Eirik í Jákupsstovu her.