Harðskapur millum heimleys í Havn

Politiið fekk í nátt tvær fráboðanir um harðskap í sambandi við, at heimleys brúka ein bygning í miðbýnum í Havn um náttina.

Talan er um bygningin, har Frants Restorff var.

Har kunnu vera millum seks og 20 fólk hvørja nátt, sigur politiið.

Politiið sigur, at harðskapurin kemst av, at nøkur vilja avgera, hvør sleppur at vera í bygninginum.

Politiið hevur verið í sambandi við felagið, sum eigur bygningin, millum annað um trygging.