Mótrokningin hækkar upp í 62.000 kr.

1. januar kunnu fólkapensjónistar hava størri inntøku, áðrenn mótroknað verður í pensjóninini.

Í dag kunnu fólkapensjónistar tjena upp til 45.000 kr. um árið, uttan at mótroknað verður í pensjónini.

Landsstýrið hevur gjørt av, at upphæddin frameftir skal vera 61.900 kr., sum er sama upphædd, ið var galdandi fyri 2020, tá hon var lækkað.

Sirið Stenberg, landsstýriskvinna í almanna- og mentamálum, hevur borið løgtingum uppskot um hetta.

Broytingin fer at hava við sær, at fólkapensjónistar, sum arbeiða, og fólkapensjónistar, ið hava privatar pensjónir, fara at fáa størri fólkapensjón.

Tað verða umleið 2.000 til 3.000 pensjónistar, ið fara at fáa ágóðan av broytingini, og av teimum fara tey flestu at hava umleið 3.000-4.000 kr. meira í fólkapensjón um árið, sigur Almannamálaráðið.