Vænta 123 millónir í vinningsbýti næsta ár

Landsstýrið væntar at fáa 123 mió. kr. í vinningsbýti frá almennum partafeløgum í 2024.

Tað eru 2,6 mió. kr. meira enn í ár.

Landskassin hevur seinastu trý árini fingið slakar 340 milliónir fyri sín triðing í BankNordik.

Væntað vinningsbýti stavar í høvuðsheitum frá BankNordik og Føroya Tele. 

Norrøna

Landskassin væntar at fáa 79 milliónir kr. fyri partabrøvini í Smyril Line. (Mynd: Bjarni Árting Rubeksen)

Partabrøv í Smyril Line

Ætlanin er at selja landsins partabrøv í Smyril Line í ár.

Landið væntar at fáa 79 milliónir krónur fyri tey partabrøvini.

Ongar inntøkur vóru frá vinningsbýti frá almennu grunnunum í 2022 og væntandi vera heldur ongar í ár.

Roknað verður við sjey milliónum krónum í vinningsbýti frá Realinum í 2024.