Olju- og hjálparískoytið fer úr gildi

Gott 400 fólk fingu ískoytið í fjør, tá oljuútreiðslur vóru ein treyt fyri at fáa hjálpina. Í ár eru beinleiðis oljuútreiðslur ikki eitt krav fyri at fáa hjálp, og higartil í ár hava fleiri enn 700 fólk fingið henda stuðul frá almannaverkinum.
Landsstýriskvinnan í almannamálum, Sirið Stenberg, umsitur olju- og hjálparískoytið. Hon sigur, at allir hjálparpakkar hava tíðaráseting og eru tí fyribils. Og henda hjálpin fer so úr gildi á nýggjárinum.