Atlantsflog besta leiguflogfelag í ríkinum

Atlantic Airways er besta leiguflogfelag í danska ríkinum.

Tað var kunngjørt í gjárkvøldið, tá Danish Travel Awards valdi bestu feløg í flogferðavinnuni.

Flogfeløgini, sum Atlantic Airways kappaðist móti, vóru SAS og Sunclass.

Sunclass vann í fjør.

Atlantic Airways, Vága Floghavn, flogvøllurin

Flogfeløgini, sum Atlantsflog kappaðist móti, vóru SAS og Sunclass. (Mynd: Bjarni Árting Rubeksen)

3.000 givið vitnisburð

3.000 fólk hava givið flogfeløgum og floghavnum, tey hava brúkt seinastu 24 mánaðirnar, vitnisburð.

Norwegian er besta lágprísflogfelag í Evropa, og Icelandair er besta rutuflogfelag. Emirates er besta altjóða flogfelag.

Alsie Express, sum flýgur millum Sønderborg og Keypmannahavn, er kosið at vera besta innanríkisflogfelag í Danmar.

Besti flogvøllur í danska ríkinum er aftur í ár tann í Ålborg.