Vilja frætta um harðskap í Havn

Politiið vil framvegis frætta frá fólki, sum veit okkurt at siga um harðskapin við matstovuna Bitan í Havn sunnunáttina.

Ein maður fekk eina fløsku í andlitið og fekk stóran skaða.

Politiið fekk ikki fráboðan um málið, men fekk at vita um tað í sambandi við eitt annað mál.

Harðskapurin var millum klokkan tíggju minuttir í trý og tíggju minutttir yvir fýra sunnunáttina.

Ósemjan, sum endaði í Steinatúni, byrjaði við Glitnir.

Einki vakmyndatól er, so politiið vil fegið frætta frá fólki, sum veit eitthvørt um harðskapin.