Stríðið millum Ísrael og Hamas kann skugga fyri krígnum í Ukraina

Ukrainski forsetin, Volodymyr Zelenskyj, stúrir fyri, at vesturheimurin fer at geva stríðnum í Ukraina minni gætur, meðan kríggj er millum Ísrael og Hamas.

Tað segði hann í samrøðu við franska France 2 í gjár.

- Heimssamfelagið kann fara at geva Ukraina minni gætur, segði forsetin.

Hann óttast samstundis, at tíðin fer at ganga til frama fyri Russland, um stuðulin til Ukraina viknar.

Sambært ukrainska forsetanum gongur tó væl hjá ukrainsku hermegini.