Taka arbeiðið uppaftur í næstu viku

Í hesari vikuni byrjar arbeiðið aftur at breiðka Funningsfjarðarvegin.

Í 2019 fór Landsverk at breiðka vegin frá vegnum millum Fjarða til Funningsfjørð.

Hildið var fram í 2021 og 2022. 

Ætlanin er at breiðka 150 metrar í ár. Tá er breiðkanin komin til fyrstu húsini í bygdini. 

Samgongusamráðingar 2022, dagur 2, Helgi Abrahamsen

Helgi Abrahamsen, løgtingsmaður, hevur spurt um Funningsfjarðarvegin. (Mynd: Bjarni Árting Rubeksen)

Tað sigur Dennis Holm, landsstýrismaður, í svari til Helga Abrahamsen, løgtingsmann.

Dennis Holm sigur, at tá arbeiðið, sum nú byrjar, er liðugt, eru 350 metrar eftir til íbindingina til Funningsvegin.

Haðani eru 500 metrar gjøgnum bygdina til íbindingina, sum er oman til havnarlagið í Funningsfirði. 

Umframt at breiðka hetta strekkið, er neyðugt at gera gongubreyt og gera ábøtur á brúnna, sum er við omankoyringina til havnarlagið, sigur landsstýrismaðurin.