Viðgera skattalættan í vikuni

Skattalættin, sum løgmaður leygardagin segði var semja um í landsstýrinum, skal til viðgerð innanhýsis í samgonguni í vikuni.

Tað sigur Ruth Vang, landsstýriskvinna í fíggjarmálum.

Løgmaður vildi leygardagin ikki greiða nærri frá, hvussu skattalættin er skipaður ella fíggjaður, og landsstýriskvinnan í fíggjarmálum vil heldur ikki siga stórvegis meira um skattalættan enn.

Hon sigur tó, at skattalættin skal til viðgerðar í samgonguni í vikuni, har møguligar justeringar skulu gerast.