Framvegis ósemja um býtið av uppsjóvarfiski

Strandarlondini eru framvegis ikki vorðin samd um, hvussu uppsjóvarfiskurin skal býtast næsta ár.

Tey eru tó samd um at fylgja tilmælunum hjá ICES.

Serliga sildin er illa fyri.

ICES mælir til, at heildarkvotan minkar 24 prosent, niður í 390.000 tons.

Miðað verður eftir at hava ein ella tveir fundir um sildina fyri ársskiftið.

Ísland hevur formansskapin í samráðinginum um makrel og sild og Bretland um svartkjaft.

Keyparar hótta nú við at keypa aðrar vørur, um strandarlondini ikki halda seg til tilmælini hjá  ICES, ikki bara í orðum, men eisini í verki.