Seks føroyskar fyritøkur á vinnuferð í India

Seks føroyskar fyritøkur fara við løgmanni til India seinni í mánaðinum.

Talan er um eina vinnuferð, sum eftir rætlan skal styrkja samstarvið millum vinnulívið í Føroyum og India.

Tað er serliga vinnufyritøkur innan KT-økið, sum verða við á ferðini. Tær seks fyritøkurnar eru Globe Tracker, Tjaldur, Elektron, Stýr, Nema og Green Marine Divers.

Tilsamans vera 15 fólk í ferðalagnum við løgmanni í India.

Aksel V. Johannesen

Aksel V. Johannesen, løgmaður, fer at halda røðu á ráðstevnuni. (Mynd: Bjarni Árting Rubeksen)

Løgmansskrivstovan og Vinnuhúsið skipa fyri

Tað er Løgmansskrivstovan, sum saman við Vinnuhúsinum, ið skipar fyri almennu vinnuferðini.

Hon verður í døgunum 20. - 24. november í New Delhi. Stóra ráðstevnan India, Nordic Baltic Business Conclave, er karmur um ferðina. Tað eru Norðurlondini og baltisku londini, sum saman við India, veru umboðað á ráðstevnuni. 

Á ráðstevnuni fer løgmaður eisini at halda røðu.

Ráðstevnan varir í tveir dagar, og hinar dagarnar er annað á skránni.