Ógreitt um SAS og Widerøe flúgva í vetur

Síðani vetrarferðaætlanin kom 28.oktober, hava SAS og Widerøe ikki verið í Vágum.

So í løtuni er Atlantic Airways einsamalt um Føroyaflúgvingina.

Regin I. Jakobsen, stjóri í Vága floghavn, hevur ikki frætt frá SAS ella Widerøe um flúgvingina hjá teimum.

Metið hjá flogvøllinum viðvíkjandi ferðafólkum verður annars sett í ár.

SAS-flogfar í Vágum

Heldur ikki flogfarið hjá SAS hevur verið í Vágum, síðani vetrarferðaætlanin kom í gildi.

435.000 ferðafólk

Sum gongdin hevur verið higartil ár, vera ferðafólkini okkurt um 435.000. Metið er annars frá 2019, tá ferðafólkini vóru 424.000.

Regin I. Jakobsen sigur, at tey miðaðu eftir at fáa 440.000 ferðafólk í ár, men so verður tó ikki.

Í oktober vóru 2,8 prosent fleiri ferðafólk enn í oktober 2019, og 7,7 prosent fleiri enn í oktober í fjør.

Til 1.november vóru 2,9 prosent fleiri ferðafólk enn til 1.november í 2019.