Minni goldið úr Barsilsskipanini í ár

Higartil í ár hevur Barsilsskipanin goldið 128,5 mió. kr., sum er hálv millión minni enn somu tíð í fjør.

Fíggjarnevndin hjá løgtinginum hevur fingið at vita frá Umhvørvismálaráðnum, at tá barsilslógin var broytt í 2021, so inngjaldið hækkaði og vikutalið var longt, var roknað við, at Barsilsskipanin fór at geva eitt ávíst yvirskot fram til 2026, tá hon var framroknað at javnviga. 

Hetta yvirskotið skuldi vera í Barsilsgrunninum at standa ímóti sveiggjum í inngjøldum og útgjøldum. Tað skuldi vera 27 mió. kr. í 2026.

Endurskoða gjøldini

Síðani er burðartalið minkað.

Heldur tað fram at minka, er skynsamt at endurskoða antin inngjøldini ella útgjøldini, sigur Ingilín D. Strøm, landsstýriskvinna.

Við ársenda 2022 vóru 16 mió. kr. í Barsilsgrunninum. 

Sannlíkt verður eisini yvirskot í ár.