Gasa: Fólkið hevur ongastaðni at flýggja

Fólkið í Gasa hevur ongastaðni at flýggja undan ísraelsku álopunum, nú ísraelski herurin eisini er farin at leypa á sunnara part av Gasageiranum.

Tað segði ST-aðalskrivarin , António Guterres, í gjárkvøldið.

Hann segði seg vera sera órógvaðan av støðuni, og heitti enn einaferð á Ísreal um at gevast við álopunum, tí tey, sum flýggja, hava sera lítið at lívbjarga sær við, og einki trygt stað at leita sær til.

António Guterres

António Guterres, ST-aðalskrivari.

Samstundis sum ísraelska innrásin í Gasa fer longri suður, verður torførari at fáa neyðhjálp fram, tí hon er higartil komin eftir vegunum úr sunnara parti av Gasageiranum, og vantandi neyðhjálpin ger eina dapra humanitera støðu enn verri, sigur Rasmus Tantholdt, tíðindamaður hjá TV2, sum er staddur í Jerusalem:

Sambært BBC er talið á palestinum í Gasageiranum, sum eru flýddir heimanifrá undan krígnum, tvífaldað seinastu tríggjar vikurnar, upp í 1,9 mió. fólk.

Góðar tvær mió. fólk búgva í Gasageiranum.

Svanna Højgaard Joensen

Svanna Højgaard Joensen.

Palestina og Føroyar

Eins og føroyskir politikkarar alt fyri eitt eftir álopið á Ísrael 7. oktobur vístu Ísrael sín stuðul, áttu teir eisini nú at víst palestinska fólkinum sín stuðul.

Tað var áheitanin frá teimum, sum í gjárkvøldið, fyri áttandu ferð, skipaðu fyri stuðulstiltaki á Vaglinum í Havn.

Svanna Højgaard Joensen var millum teirra, sum skipaðu fyri tiltakinum: