Neyðtøkumál í rættinum

Ein 17 ára gamal maður er ákærdur fyri neyðtøku og skal í Føroya rætt mánadagin og týsdagin.

Maðurin er ákærdur fyri at neyðtaka eina javnaldrandi kvinnu í Havn í apríl í fjør.

Hann noktar seg sekan.

Ákæruvaldið hevur seks vitni, sum skulu avhoyrast í rættinum.

Sambært ákæruritinum var harðskapur brúktur í sambandi við neyðtøkuna. 

Málið kemur ikki undir lógina um, at sex krevur samtykki, tí hon kom ikki fyrr enn 1. juni í fjør.