- Tíðindi, mentan og ítróttur
Orkuískoytið verður 10.000 krónur næsta ár
Orkuískoytið verður 10.000 krónur næsta ár
Løgtingið hevur samtykt broytingaruppskot frá samgongufólkunum í trivnaðarnevndini
Tingið samtykti við triðju viðgerð eitt broytingaruppskot um at hækka orkuískoytið næsta ár, úr 5.000 upp í 10.000 kr. (Savnsmynd)
13.12.2023 - 13:37
Nú er greitt, at orkuískoytið næsta ár verður tvífalt so stórt, sum landsstýrið ætlaði.
Løgtingið hevur við triðju viðgerð samtykt eitt broytingaruppskot frá samgongufólkunum í trivnaðarnevndini um at hækka orkuískoytið upp í 10.000 kr. í 2024.
Landsstýrið skeyt upp, at orkuískoytið skuldi vera 5.000 kr., og tað var eisini samtykt við aðru viðgerð.
Við triðju viðgerð var broytingaruppskotið samtykt við 26 atkvøðum fyri og ongari ímóti.
Tingið hevur eisini samtykt, at orkuískoytið verður 5.000 kr. í 2025 og 5.000 kr. í 2026.
Umboð fyri fakfeløg sótu á áhoyraraplássinum í tinginum, tá uppskotið var til viðgerðar.
Fakfeløgini og Samtak høvdu heitt á tingið um m.a. at hækka orkuískoytið upp í 12.000 kr.
Liljan Weihe og Sonja Jógvansdóttir kjakaðust um orkuískoyti.
Hoyr brot úr samrøðu, sum Marjun Dalsgaard gjørdi við Liljuna Weihe, lim í trivnaðarnevndini, og Sonju Jógvandóttir, samskipara í Samtaki, í útvarpstíðindunum:
0 seconds of 0 secondsVolume 90%
Press shift question mark to access a list of keyboard shortcuts
Keyboard Shortcuts
Shortcuts Open/Close/ or ?
Play/PauseSPACE
Increase Volume↑
Decrease Volume↓
Seek Forward→
Seek Backward←
Captions On/Offc
Fullscreen/Exit Fullscreenf
Mute/Unmutem
Decrease Caption Size-
Increase Caption Size+ or =
Seek %0-9
Er kopiera
Nýggjastu sendingar í ÚV
Nýggjastu sendingar í SV
