Fíggjarlógin samtykt við aðru viðgerð

Løgtingið hevur við aðru viðgerð samtykt fíggjarlógaruppskotið hjá Ruth Vang, landsstýriskvinnu, fyri næsta ár.

Fíggjarnevndin hevði trý broytingaruppskot.

Eitt var frá meirilutanum, samgonguumboðunum, og minnilutin, andstøðan, hevði tvey broytingaruppskot.

Bæði minnilutauppskotini fullu, men meirilutauppskotið var samtykt við 16 atkvøðum fyri og 14 ímóti. Ein atkvøða var blonk.

Ikki færri enn 18 mál vóru á dagsskránni hjá løgtinginum í gjár.

Onnur viðgerð av uppskotinum um fíggjarlógina byrjaði um klokkan hálvgum níggju í gjárkvøldið, og stutt fyri midnátt var atkvøtt í málinum.

Fíggjarlógin skal hava eina viðgerð aftrat.