Boðaði ikki frá oljuleka

Nógv olja lak á vegin frá Gomlurætt niðan á Velbastaðháls í gjár.

Men tann, sum eigur bilin, sum lak oljuna, boðaði ikki frá.

Tað eiga fólk at gera í slíkum førum, millum annað so tey kunnu fáa rokningina fyri at reinsa vegin, sigur politiið.

Okkurt bendir á, at bilførarin visti um skilið, tí bilurin hevur staðið á einum grúsvegi eina løtu. Har var eisini nógv olja, sigur politiið.