Lønarlyft: Ikki roknivilla, men mistak í kunningini

Tað var ikki ein roknifeilur, men eitt mistak í kunningini, sum er send fakfeløgunum.

Soleiðis er svarið frá Ruth Vang, landsstýriskvinnu, til Jenis av Rana, løgtingsmann.

Hann hevur skrivligan fyrispurning um feilin í lønarlyftinum hjá heilsuhjálparunum.

Jenis av Rana - 16:9

Jenis av Rana spurdi um lønarlyftið. (Savnsmynd: Bjarni Árting Rubeksen)

Ikki nóg neyv kunning

Kunningin frá Fíggjarmálaráðnum var ikki nóg neyv í mun til tann týdning, hægri lønarkarmurin fór at hava fyri lønirnar hjá heilsurøktararum samanborið við lønirnar hjá heilsuhjálpararunum, og tað er her mistakið liggur, svarar Ruth Vang. 

Hetta broytir tí einki viðvíkjandi støddini á lønarlyftinum. Og er tí heldur ikki nakað, sum eigur at verða rættað. 

Heilsuhjálparar fáa 1.448 kr. og heilsurøktarar 1.646 kr. í lønarlyftinum.

Tað er tann hægri lønarkarmurin, sum heilsurøktararnir fingu í nýggja sáttmálanum, sum ger, at munurin á endalønini hjá heilsurøktararum og hjá heilsuhjálpararum verður 1.000 kr. størri enn tað, sum kunnað var um upprunaliga.

Les svarið her.

Fylg tingfundinum.