Eykajáttan at fyrireika høli til MR-skannaran

Samgongufólkini í fíggjarnevndini, Eyðgunn Samuelsen, Bjarni Hammer, Eirikur í Jákupsstovu og Hanna Jensen,  hava skotið upp at játta Klaksvíkar sjúkrahúsi 1,3 milliónir kr. til at fyrireika høli til nýggja MR-skannaran á Klaksvíkar sjúkrahúsi.

Neyðugt er við umbyggingum og nýggjum el-innføringum.

Ætlanin er fyrireika hølini longu í hesum mánaðinum, soleiðis at skannarin kann verða tikin í nýtslu tíðliga næsta ár.

Uppskotið var lagt fram fyri løtu síðani, og løgtingið hevur samtykt, at víkjast kann frá tíðarfreistum á øllum viðgerðarstigum.

1. viðgerð verður á tingfundinum í morgin, og ætlanin er at avgreiða málið í morgin, segði Bjørt Samuelsen, forkvinna í løgtinginum.