Kulfaktor Føroya: Klaksvík skilir vøtnini

Í sambandi við sendirøðina Kulfaktor Føroya, so hava lesarar her á heimasíðu Kringvarpsins eisini havt møguleika at atkvøtt um kulfaktorin hjá støðunum, ið eru umrødd í sendirøðini. 

Klaksvík var umrøtt í síðstu viku, og tá bleiv staðfest, at ein Spyr.fo kanning vísti, at Klaksvík hevði ein kulfaktor upp á 5,4 av 10.

Les eisini: Klaksvík hevur kulfaktor 5,4

Anti sera kul ella als ikki kul

Lesararnir hjá Kringvarpinum fingu eisini høvi at atkvøða her á heimasíðuni, og tann atkvøðugreiðslan staðfesti, at Klaksvík er ein býur, ið skilir vøtnini. 

Kulfaktor Føroya, Klaksvík

29 prosent av teimum, ið hava atkvøtt her inn á heimasíðuni, halda, at Klaksvík "er sera kul".

22 prosent halda hinvegin, at Klaksvík "als ikki er kul".

Enn ber til hjá fólkum at atkvøða um kulfaktorin hjá Klaksvík her.

Er Tvøroyri kul?

Í morgin klokkan 17.05 er Kulfaktor Føroya aftur á skránni í útvarpinum, og tá verður kulfaktorurin hjá Tvøroyri, harundir eisini Trongisvágur og Froðba, máldur. 

Tvøroyri

Gunnar Nolsøe er á ferð saman við serfrøðingunum Sámali Matras Kristiansen, samfelagsfrøðingi við sergrein í býarskipan, og Ninu Arge, sum er arkitektur og eftirútbúgvin innan býarskipan. 

Tosað verður eisini við fólk á staðnum um, hvat tey halda um heimstaðin. 

Kulfaktor Føroya

Hvat: Kulfaktor Føroya
Hvar: í útvarpinum
Nær: Týsdagar kl. 17.05