Lítil munur á mánaðarlønum hjá stakum uppihaldarum

Í svar frá Sirði Stenberg, landsstýriskvinnu í almannamálum, til Liljuna Weihe, løgtingskvinnu fyri Tjóðveldi, kemur fram, at lítil munur er á mánaðarlønini hjá einum arbeiðara, einum lærara og einum løgtingslimi, tá talan er um stakar uppihaldarar, og skattur og avgjøld eru drigin frá.

Arbeiðarin fær 27.562 krónur, lærarin 28.936 og løgtingslimurin 31.054 kr.

Og almannaveitingar og stuðul telja við. 

Talan er um barnafrádrátt, barnaískoyti til stakar uppihaldarar, familjuískoyti, barnagjald, hjálparískoyti, frípláss á dagstovni og orkuískoyti.

Hetta er mánaðarlønin í ár.

Næsta ár verður hon ávikavist 26.467, 29.451 og 31.578 krónur.