103 fólk fingu minni enn 12.000 krónur

103 fólk fingu í 2022 útgjald úr barsilsskipanini, sum var minni enn 12.000 krónur um mánaðin.

Tað sigur Ingilín D. Strøm, landsstýriskvinna, sum varar av arbeiðsmarknaðarmálum, í svari til Henrik Old, løgtinsmann.

Hann spyr, hvussu nógv fólk hava fingið útgjald frá barsilsskipanini, sum er minni enn 12.000 krónur um mánaðin árini 2020, 2021, 2022 og 2023. 

Somuleiðis spyr hann, hvussu nógv fólk hava fingið barsilsútgjald, sum er minni enn 15.000 kr. skift á hesi árini. 

Sambært landsstýriskvinnuni fingu 158 útgjald niðanfyri 12.000 kr. í fjør, í 2021 fingu 157, og í 2020 vóru tey 163 í tali. 

Tilsamans 987 fólk vóru í barsilsskipanini í 2022.