Ófriður í Serbia um jólini

Í høvuðsstðanum Beograd vóru samanbrestir jólaaftan eftir ein av fleiri mótmælisgongum endaði í stríði millum fólk, sum mótmæltu valúrslitinum og løgregludeildir.

Bæði tjóðartings- og lokalval var í farnu viku, og mótmælisfólkini siga, at sitandi stjórnin flutti túsundtals fólk við bussum til høvuðsstaðin Beograd fyri at ávirka úrslitið. 

Tað eydnaðist ikki anstøðuni at fáa meiriluta, hvørki í parlamentinum ella til lokalvali í Beograd. Eftir valúrslitið gjørdist alment, eru sjey anstøðulimir farnir í hungursverksfall, sum mótmæli móti valinum, skrivar BBC.

Bæði lokalir og altjóða eygleiðarar hava eisini boða frá óreglusemi í samband við valið.

Í einari bráfeingis fráboðan jólaaftan, segði Serbiski forsetin, Aleksander Vucic, at orsøkin til ófriðin var útlendsk uppíblanding í Serbia, sigur BBC. 
- Tey sum lovaðu at arbeiða fyri friði vísa nú, at tey eru veruligu harðskaðskfólkini, legði Vucic aftrat.

Valnevndin í Serbia hevur annars boðað frá, at valið skal ganga umaftur í 30 valstøðum, men hetta er út av eini 8.000 valstøðum kring landið.

Týskland hevur sagt ákærur um valsvik kunnu ikki góðtakast fyri eitt land, sum ætlar sær at gerast limur í ES.