Tænastumannakanning skal gerast um embætisførslu hjá aðalstjóra

Tænastumannakanning skal gerast um embætisførslu hjá aðalstjóra
Aksel V. Johannesen løgmaður hevur í dag, eftir løgfrøðiligari ráðgeving, givið Turid Arge, aðalstjóra í Heilsumálaráðnum, ætlanarskriv um tænastumannakanning
 
27.12.2023 - 12:13

Løgmansskrivstovan metur, at grundaður varhugi er um, at aðalstjórin í Heilsumálaráðnum ikki hevur hildið kravið sambært grein 9 í tænastumannalógini, um at 'tænastumaður skal samvitskufult halda tær fyri starv hansara galdandi reglur, og skal bæði í og uttan fyri tænastu vísa slíkan atburð, sum starvi hansara sømir'. Turid Arge er samstundis frítikin fyri tænastu frá dags dato og so leingi agamálið gongur.

Fekk átalu

Tað var 4. desember, at Løgtingsins umboðsmaður gav Heilsumálaráðnum álvarsliga átalu fyri at hava afturhildið upplýsingum. Í hesum sambandi heitti løgmansstjórin á Turid Arge aðalstjóra í Heilsumálaráðnum, um at koma við frágreiðing um málið. 

Hesa frágreiðing fekk Løgmansskrivstovan 21. desember.

Nú verður heitt á Sorinskrivaran um at tilnevna rannsóknarleiðara, sum sambært tænastumannalógini, skal gera tilmæli í málinum.

Fyribilssetur aðalstjóri settur

Avgerð er eisini tikin um, at Bjørgfríð Ludvig frá 1. januar verður fyribilssettur aðalstjóri í Heilsumálaráðnum. Bjørgfríð Ludvig hevur drúgvar leiðsluroyndir, og hevur áður verið aðalstjóri í Vinnumálaráðnum og seinast kommunustjóri í Tórshavnar Kommunu.

Fram til 1. januar røkir Eyðun Mohr Hansen, aðalstjóri í Almanna- og mentamálaráðnum fyribils starvið sum aðalstjóri í Heilsumálaráðnum.

Er kopiera
Nýggjastu sendingar í ÚV
Mánadag 16. november
Norðurljóð 16.november 2026
215027
Sunnudag 15. november
Bolero - Niels V. Gade
216433
Sunnudag 15. november
Guðstænasta í Haldarsvíkar kirkju
216428
Nýggjastu sendingar í SV
Mánadag 16. november
Veðrið
216486
Mánadag 16. november
Bygdarliv 4 – Eiði
216470
Sunnudag 15. november
Møti
216442
Sunnudag 15. november
Eitt dýpi av dýrari tíð 2:2
216214