Missa inntøkur tá skip eru á beding

Fiskimannafelagið hevur framvegis trupulleikar við inntøkutapstryggingini.

Tað sigur formaður felagsins í ársfrágreiðingini fyri 2023.

Inntøkutapstryggingin skal taka við, tá skip eru á beding.

Trupulleiki er í teimum førum, tá skip liggja long­­ur enn ta tíð, tryggingin hevur mett, at umvælingin av skaðanum fer at taka. 

Tað er ofta so, at tá skipið er farið á beding, so er lagaligt at gera umvælingar, sum skaðin ikki umfatar.

Manningin metur seg eiga fyri alla tíðina, skipið er á beding, men tryggingin vísir til sýn­­ið.

Fiskimannafelagið hevur havt fundir við Sjóvartryggingina um hesi viðurskifti, so manningin fær fyri fyri alla tíðina, sum hon er uttan inntøku. 

Hetta er ikki komið uppá pláss enn, sigur Jan Højgaard, formaður í Fiskimannafelagnum, í ársfrágreiðing sínari.