Seks kommunur lækka skattaprosentið í morgin

Seks kommunur hava lægri skattaprosent næsta ár enn í ár, vísir yvirlit hjá Taks. 

Í Eysturkommunu fer skatturin úr 20,50 prosentum niður í 19,90 prosent.

Í Sunda kommunu fer skatturin úr 21,50 prosentum í ár niður í 20,95 prosent í 2024.

Í Vestmanna fer skatturin eitt vet niður, úr 21,25 prosentum niður í 21,15.

Eisini í Vága kommunu lækkar skatturin eitt vet, úr 21,75 prosentum niður í 21,50 prosent.

Tað sama kann sigast um Hvalbiar kommunu. Har fer skatturin úr 20,60 prosentum niður í 20,40.

Og í Vágs kommunu er eisini skatkalækking, úr 21,30 prosentum niður í 21,10.

Miðal kommunuskatturin verður 20,02 prosent næsta ár. Hann er 20,08 í ár. 

Í 12 kommunum hækkar barnafrádrátturin næsta ár.

Størsti barnafrádráttur er 10.000 kr. Hann er í Fugloy.

Tann minsti er 5.100 kr. Hann er í Kvívík.